ស្ថានទូតថៃប្រចាំកម្ពុជា រៀបចំកម្មវិធីជំរុញការទូតសេដ្ឋកិច្ចបែបឆ្ពោះទៅមុខ បង្កើតនូវបណ្ដាញ (Networking) ធុរជនថៃ - កម្ពុជា នៅតំបន់សេដ្ឋកិច្ចថ្មីភូមិភាគឥសានរបស់កម្ពុជា សំដៅជំរុញទំហំពាណិជ្ជកម្ម ការវិនិយោគ និងតំណរភ្ជាប់រវាងថៃនិងកម្ពុជាឲ្យកាន់តែខ្លាំងឡើងថែមទៀត

 

កាលពីថ្ងៃទី ២ មេសា ២០២៤ ស្ថានឯកអគ្គរាជទូតថៃប្រចាំកម្ពុជា ដឹកនាំដោយ ឯកឧត្តម ឈើតគៀត អត្ថាករ ឯកអគ្គរាជទូតថៃប្រចាំកម្ពុជា បានរៀបចំកម្មវិធីបង្កើតនូវបណ្ដាញរវាងធុរជនថៃដែលធ្វើដំណើរចូលរួមកម្មវិធីសិក្សាស្វែងយល់អំពីសក្តានុពលការធ្វើធុរកិច្ច វិនិយោគ និងតំណរភ្ជាប់ក្នុងវិស័យសេដ្ឋកិច្ចនៅក្នុងតំបន់សេដ្ឋកិច្ចថ្មីនៃភូមិភាគឥសានរបស់ប្រទេសកម្ពុជានៅឯខេត្តស្ទឹងត្រែង ជាង ២០ ក្រុមហ៊ុន ជាមួយនឹងធុរជនកម្ពុជាដែលមានការចូលរួមពីធុរជនឈានមុខគេពីខេត្តក្រចេះ ស្ទឹងត្រែងនិងរតនគិរី ដើម្បីស្វែងរកការចាប់ដៃគូរធ្វើធុរកិច្ច បន្តនូវកិច្ចការធុរកិច្ច វិនិយោគរវាងគ្នានឹងគ្នា ព្រមទាំងជាការតភ្ជាប់នូវខ្សែចង្វាក់ផ្គត់ផ្គង់ក្នុងវិស័យពាណិជ្ជកម្មរវាងថៃនិងកម្ពុជា នឹងឈានដល់កម្រិតតំបន់អោយកាន់តែខ្លាំងឡើងថែមទៀត ដោយប្ដេជ្ញាចិត្តនៅក្នុងការអភិវឌ្ឍសេដ្ឋកិច្ចរួមគ្នារវាងប្រទេសទាំងពីរ

 

ក្រុមហ៊ុនឯកជនថៃនៅកម្ពុជាដែលបានចូលរួមក្នុងកម្មវិធីខាងលើនេះមានដូចជា TTC Group, SCG Cambodia, CP ALL, CP, Makro, Modern Plastic & Packaging, KRUNG THAI BANK, Cambodian Commercial Bank, Export-Import Bank of Thailand, Royal Phnom Penh Hospital, JWD ASIA LOGISTICS, ARIYA CE CO.,LTD. និង CPPT (Outdoorwear)