ស្ថានទូតថៃប្រចាំកម្ពុជា រួមសហការជាមួយអជ្ញាធរទេសចរណ៍ថៃសំដៅដល់ការជំរុញទេសចរណ៍តភ្ជាប់ផ្លូវសមុទ្រប៉ែកខាងកើតរបស់ប្រទេសថៃ ជាមួយតំបន់ឆ្នេរប៉ែកខាងត្បូងរបស់កម្ពុជា ក្រោមទស្សនៈទាន “Two Kingdoms, One Destination” ដើម្បីជាការលើកកម្ពស់បទពិសោធន៍ពិពិធកម្មទេសចរណ៍សម្រាប់អ្នកដំណើរជាតិ និងអន្តរជាតិនៅក្នុងពិធីបុណ្យសមុទ្រ លើកទី ១១ ខេត្តកំពត

ភារធារី អេកអន ឃុណាចារ៉ើន បានផ្តល់បដិសណ្ឋារកិច្ចជូនចំពោះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ព្រមទាំងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត និងឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ នៅស្ដង់ពិព័រណ៍ជំរុញទេសចរណ៍ថៃ ដែលរៀបចំឡើងនៅក្នុងពិធីបុណ្យសមុទ្រ លើកទី ១១ ចន្លោះពីថ្ងៃទី ១៣ - ១៥ ខែធ្នូ ឆ្នាំ ២០២៤ នៅខេត្តកំពត។

ស្តង់ពិព័រណ៍របស់ថៃបានរៀបចំឲ្យមានជាការថតរូបអនុស្សាវរីយ៍ ព្រមទាំងធ្វើការផ្សព្វផ្សាយអំពីមន្តស្នេហ៍នៃរមណីយដ្ឋានទេសចរណ៍តំបន់ឆ្នេរប៉ែកខាងកើតរបស់ថៃ ដែលអាចតភ្ជាប់ជាមួយកម្ពុជាបានយ៉ាងងាយស្រួល ព្រមទាំងមានរមណីយដ្ឋានទេសចរណ៍ធម្មជាតិ និងវប្បធម៌ដែលគួរអោយចាប់អារម្មណ៍ផងដែរ។

ក្នុងឱកាសនេះផងដែរ ភារធារី អេកអន ថែមទាំងបានចូលរួមពិធីបើកបុណ្យសមុទ្រ ក្រោមអធិបតីភាពដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត ដើម្បីសម្តែងនូវការត្រៀមលក្ខណៈសម្បត្តិរបស់ថៃនៅក្នុងការរឹតចំណងកិច្ចសហប្រតិបត្តិការក្នុងវិស័យទេសចរណ៍រវាងកម្ពុជា និងថៃ ដែលជាចំណែកមួយនៅក្នុងការបង្កើតផលប្រយោជន៍សេដ្ឋកិច្ច និងចំណូលជូនប្រជាជននៃប្រទេសយើងទាំងពីរ៕