(ភាសាខ្មែរនៅខាងក្រោម)

The Royal Thai government places emphasis on the well-being of people in society, including Cambodian Migrant workers. On 26 July 2021, the Royal Thai Embassy joined hands with the Thai private sector in Cambodia to donate medical equipment, food and other necessities worth more than USD 7,500 for Cambodian migrant workers returning from Thailand and being quarantined at quarantine centres in Battambang province.

កាលពីថ្ងៃចន្ទ ទី ២៦ កក្កដា ២០២១ ស្ថានទូតថៃព្រមជាមួយតំណាងនៃវិស័យឯកជនថៃនៅកម្ពុជារួមគ្នាបរិច្ចាគជាគ្រឿងឧបភោគបរិភោគនិងសម្ភារៈប្រើប្រាស់មួយចំនួនជូនដល់មណ្ឌលចត្តាឡីស័កនៅក្នុងខេត្តបាត់ដំបង ដើម្បីផ្តល់ជូនពលករចំណាកស្រុកកម្ពុជាដែលកំពុងធ្វើចត្តាឡីស័កនៅក្នុងមណ្ឌលចត្តាឡីស័កនៅក្នុងខេត្តបាត់ដំបង ដោយមានវត្តមាន ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបងជាតំណាងនៅក្នុងពិធីទទួល។ កម្មវិធីនេះរបស់ស្ថានទូតនិងវិស័យឯកជនថៃនៅកម្ពុជាមានគោលបំណងជួយគាំទ្ររាជរដ្ឋាភិបាលកម្ពុជានៅក្នុងការមើលថែទាំពលករកម្ពុជាដែលទទួលរងផលប៉ះពាល់ពីការឆ្លងរាតត្បាតនៃជំងឺកូវីត-១៩ ហើយធ្វើដំណើរត្រលប់មកកាន់ស្រុកកំណើតវិញជាច្រើននាក់។ ស្តែងអោយឃើញពីការប្ដេជ្ញាចិត្តរបស់រាជរដ្ឋាភិបាលថៃនៅក្នុងការយកចិត្តទុកដាក់ពលករកម្ពុជាទាំងកំពុងរស់នៅក្នុងប្រទេសថៃ ក៏ដូចជាបានធ្វើដំណើរត្រលប់មកកម្ពុជាវិញដូចគ្នាដែរ។