ឯកឧត្តមឯកអគ្គរាជទូតថៃ ពង្រឹងកិច្ចសហប្រតិបត្តិការជាមួយនឹងប្រទេសកម្ពុជាលើការអភិវឌ្ឍសមត្ថភាពរបស់មន្ដ្រីសាធារណៈ

 

នាថ្ងៃទី២១ ខែសីហា ឆ្នាំ២០២៤ ឯកឧត្តម ឈើតកៀត អត្ថាករ ឯកអគ្គរាជទូតនៃព្រះរាជាណាចក្រថៃប្រចាំព្រះរាជាណាចក្រកម្ពុជា បានចូលជួបសម្ដែងការគួរសម ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ដោយភាគីទាំងពីរបានផ្ដោតលើសារៈសំខាន់នៃការផ្លាស់ប្ដូរចំណេះដឹង និងការអនុវត្តបទពិសោធន៍ដែលល្អបំផុតនៅក្នុងផ្នែកការគ្រប់គ្រងមន្ដ្រីសាធារណៈ និងការពង្រឹងនូវជំនាញដែលចាំបាច់ ដើម្បីគាំទ្រការអនុវត្តការងារនៃវិស័យរដ្ឋ ដើម្បីបង្កើតផលប្រយោជន៍ដ៏ខ្ពស់បំផុតសម្រាប់ប្រជាជននៃប្រទេសទាំងពីរ។