មន្រី្តស្ថានទូតថៃចូលថ្វាយបង្គុំគាល់សម្តេចរាជបុត្រីព្រះអនុជ នរោត្តម អរុណរស្មី ព្រះអនុជនៃ​ ព្រះករុណាព្រះបាទសម្តេចព្រះបរមនាថ នរោត្តម​ សីហមុនី

 

ឯកឧត្តម ឈើតគៀត អត្ថាករ ឯកអគ្គរាជទូតបានដឹកនាំសហការីដែលជាមន្ត្រីរាជការនៃស្ថានឯកអគ្គរាជទូតនៃព្រះរាជាណាចក្រថៃប្រចាំកម្ពុជា ចូលក្រាបថ្វាយបង្គុំគាល់ សម្តេចរាជបុត្រីព្រះអនុជ នរោត្តម អរុណរស្មី ព្រះអនុជនៃ ព្រះករុណាព្រះបាទសម្តេចព្រះបរមនាថ នរោត្តម​ សីហមុនី ដើម្បីជាការទូលថ្វាយនូវអង្ករចំនួន ៤០០ គីឡូក្រាមជូនដល់មូលនិធិមុធិតា។ ក្នុងឱកាសនេះដែរ សម្តេចរាជបុត្រីព្រះអនុជ នរោត្ដម អរុណរស្មី បានរាជានុញ្ញាតឲ្យឯកឧត្តមឯកអគ្គរាជទូតនិងមន្ត្រីរាជការនៃស្ថានទូតថៃចូលរួមផ្តល់អង្គរបន្តជូនដល់តំណាងសាលាមធ្យម វិចិត្រសិល្បៈ ដើម្បីឧបត្ថម្ភគាំទ្រស្ថាប័នអប់រំសហគមន៍នៅក្នុងមូលដ្ឋាននិងអ្នកដែលខ្វះខាតជួបការលំបាក ដោយសកម្មភាពខាងលើនេះរៀបចំឡើងនៅក្នុងឱកាសបុណ្យចម្រើនព្រះជន្ម ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា៕