Photo Credit: Ministry of Tourism of Cambodia

- - - - - - - - - - -

 

ស្ថានទូតថៃប្រចាំកម្ពុជាអញ្ញើញចូលរួមក្នុងពិធីបុណ្យសមុទ្រនៅខេត្តកែប

ប្រធានទីភ្នាក់ងារទេសចរណ៍ថៃ ការិយាល័យប្រចាំទីក្រុងហូជីមិញ ដែលទទួលបន្ទុកមើលការខុសត្រូវកិច្ចសហប្រតិបត្តិការវិស័យទេសចរណ៍ថៃ - កម្ពុជា បានអញ្ញើញចូលរួមក្នុងពិធីបុណ្យសមុទ្រ (Sea Festival) លើកទី ១០ ឆ្នាំ ២០២៣ ដែលប្រារព្ធធ្វើឡើងនៅខេត្តកែប ក្នុងនាមជាតំណាងរបស់ស្ថានឯកអគ្គរាជទូតថៃប្រចាំកម្ពុជា ដើម្បីជាការពង្រឹងនូវកិច្ចសហប្រតិបត្តិការលើវិស័យទេសចរណ៍រវាងថៃ - កម្ពុជា ឲ្យកាន់តែស្អិតរមួតខ្លាំងឡើងថែមទៀត។

កញ្ញា សុផាកាន យ៉តឈុន ប្រធានទីភ្នាក់ងារទេសចរណ៍ថៃ ការិយាល័យប្រចាំទីក្រុងហូជីមិញ ដែលទទួលបន្ទុកមើលការខុសត្រូវកិច្ចសហប្រតិបត្តិការវិស័យទេសចរណ៍ថៃ - កម្ពុជា បានអញ្ញើញចូលរួមក្នុងពិធីបុណ្យសមុទ្រ (Sea Festival) លើកទី ១០ ឆ្នាំ ២០២៣ ដើម្បីជាការជំរុញវិស័យទេសចរណ៍ថ្នាក់អន្តរជាតិប្រចាំឆ្នាំរបស់កម្ពុជា នៅខេត្តកែប ដោយក្នុងនាមជាតំណាងរបស់ស្ថានឯកអគ្គរាជទូតថៃប្រចាំកម្ពុជា។

ការអញ្ញើញចូលរួមក្នុងកម្មវិធីខាងលើនៅក្នុងឆ្នាំនេះជាឱកាសមួយដ៏ល្អក្នុងការបន្តនូវការផ្សព្វផ្សាយវិស័យទេសចរណ៍ថៃនិងជំរុញនូវការតភ្ជាប់នៃវិស័យទេសចរណ៍រវាងថៃនិងកម្ពុជា ជាពិសេសការតភ្ជាប់ខាងសមុទ្រភាគខាងកើតរបស់ប្រទេសថៃជាមួយខេត្តជាប់ឆ្នេរសមុទ្ររបស់កម្ពុជា ដែលជាផ្នែកមួយនៃការស្តារវិស័យទេសចរណ៍ និងសេដ្ឋកិច្ចនៃប្រទេសទាំងពីរក្រោយវិបត្តិខូវីត ១៩ និងជាការឆ្លុះបញ្ចាំឲ្យឃើញនូវទំនាក់ទំនងដ៏ល្អរវាងប្រទេសទាំងពីរ ព្រមទាំងឆ្លៀតឱកាសនេះជំរុញនូវគោលនយោបាយ Two Kingdoms, One Destination ដែលនាយករដ្ឋមន្ត្រីនៃប្រទេសទាំងពីរបានយល់ឃើញដូចគ្នានៅក្នុងការជំរុញនូវគោលនយោបាយខាងលើអោយកើតចេញជាផ្លែផ្កា ដោយនៅក្នុងឆ្នាំនេះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាថ្មី បានអញ្ញើញជាអធិបតីនៅក្នុងពិធីបើកផងដែរ ដោយពិធីបុណ្យសមុទ្រនៅក្នុងឆ្នាំនេះទទួលបានការចាប់អារម្មណ៍យ៉ាងខ្លាំងផងដែរពីសំណាក់ប្រជាជនកម្ពុជានិងភ្ញៀវអន្តរជាតិយ៉ាងច្រើនកុះករ៕