ថៃ-កម្ពុជាផ្សារភ្ជាប់កិច្ចសហប្រតិបត្តិការផ្នែកពុទ្ធសាសនាជាមួយគ្នា

 

កាលពីថ្ងៃ 26 កញ្ញា 2024 ឯកឧត្តម ឈើតកៀត អត្ថាករ ឯកអគ្គរាជទូតថៃ ប្រចាំព្រះរាជាណាចក្រកម្ពុជាចូលជួបសម្តែងការគួរសម ឯកឧត្តម ចាយ បូរិន រដ្ឋមន្ត្រីក្រសួងធម្មការនិងសាសនា នៅក្នុងឪកាសដែលឯកឧត្តមឯកអគ្គរាជបញ្ចប់បេសកម្ម ដោយភាគីទាំងពីរប្តេជ្ញាក្នុងការបន្តនូវកិច្ចសហប្រតិបត្តិការផ្នែកពុទ្ធសាសនា មិនត្រឹមតែការផ្លាស់ប្តូរព្រះសង្ឃនិងមន្ត្រីផ្នែកពុទ្ធសាសនា ដើម្បីស្វែងសិក្សាព្រះពុទ្ធសាសនាតែប៉ុណ្ណោះទេ រួមទាំងការរៀបចំនិងការចូលរួមពិធីសំខាន់ៗផ្នែកពុទ្ធសាសនាជាមួយគ្នាផងដែរ ។

 

ឆ្លៀតក្នុងឪកាសនេះ ឯកអគ្គរាជទូតបានប្រគល់សៀវភៅព្រះពុទ្ធសាសនាចំនួន 2 ប្រភេទ មានដូចជា (1) កម្រងឯកសារព្រះរាជសង្ឃប្រកាស (2) សៀវភៅសង្ឃសព្ទ (សង្ឃសន្ទាភិធាន) ដែលមានចំនួនទាំងអស់ 10,000 ក្បាល ដែលជាការឧបត្ថម្ភរបស់ស្ថានឯកអគ្គរាជទូតក្នុងការបោះពុម្ពសៀវភៅទាំងអស់នេះទៅដល់ក្រសួងធម្មការនិងសាសនា ដើម្បីចែកជូនដល់គណៈសង្ឃ ព្រមទាំងឧបាសក ឧបាសិកាដែលគោរពព្រះពុទ្ធសាសនា ។