- - - - - - - - - -

ឯកអគ្គរាជទូតថៃ ប្រចាំព្រះរាជាណាចក្រកម្ពុជាអញ្ជើញចូលជួបសម្តែងការគួរសមរដ្ឋមន្រ្តីក្រសួងវប្បធម៌និងវិចិត្រសិល្បៈកម្ពុជាក្នុងឱកាសចូលកាន់ដំណែង

កាលពីថ្ងៃទី 7 ឧសភា 2025 ឯកឧត្តមទុល្យ ត្រៃសូរ៉ាត់ ឯកអគ្គរាជទូតថៃ ប្រចាំព្រះរាជាណាចក្រកម្ពុជា ព្រមជាមួយមន្ត្រីរាជការនៃស្ថានឯកអគ្គរាជទូតថៃ ចូលជួបសម្តែងការគួរសម លោកជំទាវបណ្ឌិតសភាចារ្យ ភឿង សកុណា (H.E. Dr. Phoeurng Sackona) រដ្ឋមន្ត្រីក្រសួងវប្បធម៌និងវិចិត្រសិល្បៈកម្ពុជា ។

ទាំងពីរភាគីជួបពិភាក្សាការងារលើកិច្ចសហប្រតិបត្តិការផ្នែកវប្បធម៌រវាងប្រទេសថៃ-កម្ពុជា ព្រមទាំងបង្ហាញពីការប្តេជ្ញាចិត្តរួមគ្នាដើម្បីជំរុញកិច្ចសហប្រតិបត្តិការក្នុងការអភិវឌ្ឍធនធានមនុស្សក្នុងវិស័យសិល្បៈនិងវប្បធម៌ វិស័យទេសចរណ៍និងវិស័យសេដ្ឋកិច្ចច្នៃប្រឌិត ស្របតាមបរិបទសម័យទំនើប ព្រមទាំងជំរុញអោយមានការផ្លាស់ប្តូរការសិក្សារវាងគ្រឹះស្ថានសិក្សាទាំងពីរប្រទេស ដូចជា កិច្ចសហប្រតិបត្តិការជាមួយសាកលវិទ្យាល័យភូមិន្ទវិចិត្រសិល្បៈ (Royal University of Fine Arts) ។

លើសពីនេះ ភាគីទាំងពីរក៏បានត្រៀមខ្លួនរួចជាស្រេច ដើម្បីគាំទ្រការរៀបចំព្រឹត្តិការណ៍ពិសេស ដើម្បីអបអរសាទរខួប 75 ឆ្នាំ ការបង្កើតទំនាក់ទំនងការទូតថៃ-កម្ពុជា ដើម្បីបន្តជំរុញអោយមានកម្មវិធីរួមគ្នា ។