- - - - - - - - -- 

នាថ្ងៃទី០៥ ខែមករា ឆ្នាំ២០២៤ ឯកឧត្តម ឈើតកៀត អត្ថាករ ឯកអគ្គរាជទូតនៃព្រះរាជាណាចក្រថៃប្រចាំព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូនៃស្ថានឯកអគ្គរាជទូតថៃប្រចាំព្រះរាជាណាចក្រកម្ពុជាចូលជួបសម្ដែងការគួរសម ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដោយភាគីទាំង ២ បានពិភាក្សាអំពីគោលការណ៍ការគាំទ្រកិច្ចសហប្រតិបត្តិការទ្វេភាគីក្នុងវិស័យជាច្រើន ជាពិសេសការសម្របសម្រួលការធ្វើដំណើរឆ្លងដែន ការទប់ស្កាត់និងការបង្ក្រាបឧក្រិដ្ឋកម្មឆ្លងដែននិងការជួញដូរមនុស្ស បញ្ហាការឆ្លងដែនខុសច្បាប់ និងការគាំទ្រអោយមានយន្តការក្នុងការជួបពិភាក្សារវាងអង្គភាពផ្សេងៗ នៃប្រទេសទាំងពីរផងដែរ។