ថៃនិងកម្ពុជាសហការគ្នាជំរុញនូវកិច្ចសហប្រតិបត្តិការក្នុងវិស័យពលករនិងការអភិវឌ្ឍធនធានមនុស្សដើម្បីការរីកចម្រើនដល់វិស័យសេដ្ឋកិច្ចរវាងគ្នានិងគ្នា

កាលពីថ្ងៃទី ៣ សីហា ២០២៣ ឯកឧត្តម ឈើតកៀត អត្ថាករ ឯកអគ្គរាជទូតថៃប្រចាំកម្ពុជា បានចូលជួបសម្តែងការគួរសមឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈកម្ពុជា ដើម្បីពង្រឹងកិច្ចសហប្រតិបត្តិ្កការក្នុងវិស័យពលករនិងបណ្តុះបណ្តាលវិជ្ជាជីវៈរវាងគ្នានិងគ្នាឲ្យកាន់តែស្និតរមួតខ្លាំងឡើងថែមទៀត ដោយឯកឧត្តមឯកអគ្គរាជទូតបានបញ្ជាក់បន្ថែមលើគោលនយោបាយសំខាន់របស់រាជរដ្ឋាភិបាលថៃក្នុងការមើលថែអត្ថប្រយោជន៍ និងការរស់នៅរបស់ពលករកម្ពុជាដែលចូលទៅធ្វើការនៅប្រទេសថៃ ព្រមទាំងការបង្កលក្ខណៈងាយស្រួលនៅក្នុងការជួលឲ្យធ្វើការងារ ហើយឯកឧត្តមព្រមទាំងបានបញ្ជាក់អំពីសារសំខាន់របស់ពលករកម្ពុជានៅក្នុងការជំរុញសេដ្ឋកិច្ចរបស់ប្រទេសថៃ និងជាប្រភពចំណូលសំខាន់សម្រាប់សេដ្ឋកិច្ចកម្ពុជា។ ឯកឧត្តមបានថ្លែងអំណរគុណចំពោះភាគីកម្ពុជាដែលបានបង្កភាពងាយស្រួលជូនដល់ពលករកម្ពុជាបានធ្វើដំណើរឆ្លងដែនទៅធ្វើការនៅក្នុងទឹកដីថៃដោយស្របច្បាប់ក្រោមក្របខ័ណ្ឌអនុស្សារណៈយោគយល់គ្នា (MoU) ស្ដីពីកិច្ចសហប្រតិបត្តិការក្នុងវិស័យពលករជាមួយប្រទេសជិតខាង ដោយភាគីថៃត្រៀមខ្លួនជាស្រេចនូវក្នុងការបង្កភាពងាយស្រួលនៅគ្រប់ៗផ្នែកផងដែរ។

ភាគីទាំងពីរបានឯកភាពគ្នានូវក្នុងការជំរុញនូវចំណងកិច្ចសហប្រតិបត្តិការដែលជាប្រយោជន៍នៅក្នុងថ្ងៃអនាគត មានដូចជា ការត្រៀមលក្ខណៈសម្បត្តិសម្រាប់ពលករមុនធ្វើដំណើរទៅប្រទេសថៃ ទាំងរឿងការប្រើជីវិត ការរៀបចំការផ្ទេរប្រាក់ឆ្លងប្រទេស រួមទាំងការអភិវឌ្ឍជំនាញតាមរយៈការបណ្ដុះបណ្ដាល (Capacity Building) ដោយភាគីថៃត្រៀមខ្លួនជាស្រេចក្នុងការសហការដើម្បីការអភិវឌ្ឍ (Development Cooperation) ដើម្បីបន្តគម្រោងដែលនាយកដ្ឋានសហប្រតិបត្តិការអន្តរជាតិ (TICA) នៃក្រសួងការបរទេសថៃសហការជាមួយកម្ពុជាក្នុងការអភិវឌ្ឍជំនាញរបស់ពលករជាបន្តបន្ទាប់។

ក្រៅពីនេះទៅទៀត ភាគីថៃនៅតែប្តេជ្ញាចិត្តគាំទ្រកំលាំងពលកម្មកម្ពុជាដែលមានជំនាញនិងគុណភាពឲ្យមានឱកាសបានរួមការងារជាមួយក្រុមហ៊ុនឯកជនដែលឈានមុខគេរបស់ថៃនៅកម្ពុជាដោយតាមរយៈជ្រើសរើសអោយចូលបម្រើការងារជាមួយគ្នាផងដែរ៕