ทั้งสองฝ่ายเน้นย้ำความสำคัญของการส่งเสริมผลประโยชน์ทางเศรษฐกิจและการค้าบนพื้นฐานของผลประโยชน์ร่วมกัน เพื่อเสริมสร้างความเข้มแข็งให้แก่ความเป็นหุ้นส่วนทางเศรษฐกิจของไทยและกัมพูชา

 

————

 

ឯកឧត្តមឯកអគ្គរាជទូតថៃចូលជួបពិភាក្សាការងារជាមួយលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ដើម្បីបន្តកិច្ចសហប្រតិបត្តិការលើវិស័យសេដ្ឋកិច្ចនិងពាណិជ្ជកម្មរវាងព្រះរាជាណាចក្រថៃនិងកម្ពុជាគ្រប់ជ្រុងជ្រោយដើម្បីជួយជំរុញនូវការស្តារ និងកំណើនសេដ្ឋកិច្ចនៃប្រទេសទាំងពីរប្រកបដោយចីរភាព។

នៅថ្ងៃទី ២៦ កញ្ញា ២០២៣ ឯកឧត្តមឈើតកៀត អត្ថាករ ឯកអគ្គរាជទូតថៃប្រចាំកម្ពុជា អបដំណើរដោយលោកប្រធានការិយាល័យជំរុញពាណិជ្ជកម្មអន្តរជាតិប្រចាំកម្ពុជា ព្រមទាំងសហការី និងតំណាងសមាគមអ្នកធុរកិច្ចថៃនៅកម្ពុជា ចូលជួបពិភាក្សាការងារជាមួយលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ដោយក្នុងជំនួបនេះភាគីទាំងពីរបានពិភាក្សាគ្នាលើប្រធានបទផ្សេងៗ ជាពិសេសការបង្កលក្ខណៈងាយស្រួលក្នុងវិស័យពាណិជ្ជកម្មរវាងគ្នាទៅវិញទៅមក តាមរយៈការតភ្ជាប់គមនាគមន៍ ការអភិវឌ្ឍន៍ហេដ្ឋារចនាសម្ព័ន្ធច្រកទ្វារព្រំដែននិងការដឹកជញ្ជូនទំនិញតាមផ្លូវដែករវាងថៃនិងកម្ពុជា ព្រមទាំងកិច្ចសហប្រតិបត្តិការក្នុងការកែសម្រួលបទបញ្ញត្តិច្បាប់គយនិងរដ្ឋាករអោយមានស្តង់ដារ ដើម្បីជំរុញនិងគាំទ្រវិស័យឯកជនថៃអាចធ្វើជំនួញបានដោយរលូននិងមានចីរភាពនៅកម្ពុជា (ease of doing business)។

ភាគីទាំងពីរបានបញ្ជាក់បន្ថែមលើសារសំខាន់នៃការជំរុញផលប្រយោជន៍ក្នុងវិស័យសេដ្ឋកិច្ចនិងពាណិជ្ជកម្មលើមូលដ្ឋានគ្រឹះនៃផលប្រយោជន៍រួម ដើម្បីពង្រឹងនូវភាពជាដៃគូរសេដ្ឋកិច្ចរបស់ថៃនិងកម្ពុជាឲ្យកាន់តែរឹងមាំបន្ថែមទៀត៕