កាលពីថ្ងៃទី ១០ មីនា ២០២៣ ឯកឧត្តម ឈើតកៀត អត្ថាករ ឯកអគ្គរាជទូតថៃប្រចាំកម្ពុជា បានដឹកនាំសហការីចូលជួបសម្ដែងការគួរសមឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅក្នុងឱកាសដែលឯកឧត្តមចូលបំពេញការងារការទូតថ្មី។

ភាគីទាំងពីរបានពិភាក្សាគ្នាដើម្បីជម្រុញនូវកិច្ចសហប្រតិបត្តិការក្នុងវិស័យកសិកម្ម រុក្ខាប្រមាញ់ និងនេសាទអោយស្អិតរមួតខ្លាំងឡើងថែមទៀត ដើម្បីជាប្រយោជន៍ផ្នែកអភិវឌ្ឍន៍ធនធានមនុស្សក្នុងវិស័យកសិកម្ម និងការលើកកម្ពស់ស្ដង់ដារកសិផល ក្រៅពីនេះភាគីទាំងពីរបានពិភាក្សាប្រធានបទទាក់ទិននឹង (១) ការបន្តនូវកិច្ចសហប្រតិបត្តិការដើម្បីការអភិវឌ្ឍកសិកម្ម និង (២) ការជម្រុញការលក់ផលិតផលក្នុងស្រុករបស់កម្ពុជានៅក្នុងផ្សារទំនើបនិងហាងលក់ទំនិញរបស់ថៃនៅក្នុងប្រទេសកម្ពុជាថែមទៀតផង៕