ឯកឧត្តមឯកអគ្គរាជទូតថៃ ប្រចាំព្រះរាជាណាចក្រកម្ពុជាព្រមជាមួយភរិយាអញ្ជើញចូលរួមពិធីធ្វើបុណ្យក្នុងឳកាសអបអរសាទរខួបលើកទី 75 នៃការស្ថាបនាទំនាក់ទំនងការទូតថៃ-កម្ពុជា និងក្នុងឳកាសប្រារព្ធពិធីចូលឆ្នាំថ្មីប្រពៃណីថៃ-កម្ពុជា ។

កាលពីថ្ងៃទី 6 ខែ មេសា ឆ្នាំ 2025 ឯកឧត្តម ទុល្យ ត្រៃសូរ៉ាត់ ឯកអគ្គរាជទូតថៃ ប្រចាំព្រះរាជាណាចក្រកម្ពុជាព្រមជាមួយភរិយាលោកស្រីហ្វា ត្រៃសូរ៉ាត់ បានអញ្ជើញចូលរួមក្នុងពិធីធ្វើបុណ្យក្នុងឳកាសអបអរសាទរខួបលើកទី 75 នៃការស្ថាបនាទំនាក់ទំនងការទូតរវាងប្រទេសថៃនិងប្រទេសកម្ពុជា និងក្នុងឳកាសប្រារព្ធពិធីចូលឆ្នាំថ្មីប្រពៃណីថៃ-កម្ពុជា ដែលរៀបចំឡើងនៅស្ថានឯកអគ្គរាជទូតកម្ពុជា ប្រចាំព្រះរាជាណាចក្រថៃឡង់ដ៍ ។

នៅក្នុងកម្មវិធីនេះផងដែរ មានព្រះសង្ឃចំនួន 75 អង្គរួមទាំងព្រះសង្ឃកម្ពុជាចំនួន 55 អង្គនិមន្តពីវត្តនៅក្នុងប្រទេសថៃដើម្បីសូត្រមន្តចម្រើនព្រះបរិត្តនិងរៀបចំកម្មវិធីតាមបែបសាសនា ដើម្បីជាសិរិមង្គលនៃទំនាក់ទំនងដ៏ស្អិតរមួតរវាងប្រទេសទាំងពីរ ។

ឆ្លៀតក្នុងឳកាសនេះ ឯកឧត្តម ហ៊ុន សារឿន ឯកអគ្គរាជទូតកម្ពុជា ព្រះរាជាណាចក្រថៃឡង់ដ៍និងភរិយា ទទួលស្វាមគន៍ភ្ញៀវកត្តិយសថៃនិងកម្ពុជា មានដូចជា ឯកឧត្តម ពិយៈផាក់ ស៊ីចារ៉ើន អគ្គនាយកនៃនាយកដ្ឋានកិច្ចការអាស៊ីបូព៌ា ឯកឧត្តម សុមឆាយ មរកតស៊ីវណ្ណ អគ្គនាយកនៃនាយកដ្ឋានការងារ ឯកឧត្តម ថាត់ឆៈយ៉ុត ផាក់ឌី ឯកឧត្តម បញ្ញារ៉ាក់ ភូនសាប់ និងឯកឧត្តម ឈើតកៀត អត្ថាករ អតីតឯកអគ្គរាជទូតថៃ ប្រចាំព្រះរាជាណាចក្រកម្ពុជា រួមទាំងឯកឧត្តម អន ប៊ុនហាក់ ទីប្រឹក្សារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈកម្ពុជា ។

កម្មវិធីនេះ បានឆ្លុះបញ្ចាំងពីមិត្តភាពដ៏យូរអង្វែងនិងកិច្ចសហប្រតិបត្តិការដ៏រឹងមុំារវាងថៃនិងកម្ពុជា នៅក្នុង ឆ្នាំដ៏សំខាន់នៃការអបអរសាទរខួបលើកទី 75 នៃការស្ថាបនាទំនាក់ទំនងការទូតរវាងប្រទេសទាំងពីរ ចាត់ទុកជាឳកាសដ៏មានអត្ថន័យដែលបង្ហាញពីចំណងសម្ព័ន្ធភាពដ៏ស្អិតរមួតរវាងថៃនិងកម្ពុជានូវគ្រប់ជាន់ថ្នាក់ ។