ថានឯកអគ្គរាជទូតថៃ ប្រចាំព្រះរាជាណាចក្រកម្ពុជា រួមជាមួយនិងសាកលវិទ្យាល័យភូមិន្ទវិចិត្រសិល្បៈរៀបចំបាឋកថាសិក្សាក្រោមមូលបទ Modern Architecture in Thailand and Cambodia

កាលពីថ្ងៃទី 3 ខែមិនា ឆ្នាំ2025 ស្ថានឯកអគ្គរាជទូតថៃ ប្រចាំព្រះរាជាណាចក្រកម្ពុជា រួមជាមួយនិងសាកលវិទ្យាល័យភូមិន្ទវិចិត្រសិល្បៈ(RUFA) បានរៀបចំបាឋកថាសិក្សាក្រោមមូលបទ Modern Architecture in Thailand and Cambodia និងពិធីពិសារអាហារពេលល្ងាចក្រោយពីបញ្ចប់ការបាឋកថា ដោយមានការអញ្ជើញចូលរួមពីសំណាក់សាស្ត្រាចារ្យនិងនិស្សិតនៃសាកលវិទ្យាល័យជូឡាឡុងកន និងRUFA ជាង90នាក់ ។

ការបាឋកថានេះ មានកត្តិយសបានទទួលការអញ្ជើញចូលរួមពីសាស្រ្តាចារ្យរង បណ្ឌិត ភីរ៉ាស៊ី ផូវ៉ាថង Mr.Walter Koditek និងលោកប៉ែន សិរីបញ្ញា ដែលជាអ្នកជំនាញផ្នែកស្ថាបត្យកម្មថៃនិងកម្ពុជា និងបានបង្ហាញពីវឌ្ឍនាភាព នៃស្ថាបត្យកម្មសម័យថ្មីនៅក្នុងប្រទេសថៃនិងប្រទេសកម្ពុជា ដោយផ្តោតលើឥទិ្ធពលរួមគ្នា ស្នាដៃសំខាន់ៗរបស់ស្ថានិក ព្រមទាំងឥទ្ធិពលនៃស្ថាបត្យកម្មសម័យថ្មីចំពោះស្ថាបត្យកម្មទេសភាពក្នុងទីក្រុង ។

លោកស្រីអេកអន ឃុណាចារើន អគ្គរាជទូតថៃនិងលោក យ៉ា ដា សាកលវិទ្យាធិការរង RUFA បានផ្តោតសំខាន់ទៅលើកិច្ចសហប្រតិបត្តិការផ្នែកជំនាញក្នុងការពង្រឹងទំនាក់ទំនងរវាងប្រទេសទាំងពីរ ព្រមទាំងជួយជំរុញអោយសាកលវិទ្យាល័យជូឡាឡុងកន និងRUFA ពង្រីកកិច្ចសហប្រតិបត្តិការដើម្បីលើកកម្ពស់ភាពយល់ដឹង និងការផ្លាស់ប្តូរផ្នែកវប្បធម៌ សិល្បៈ និងផ្នែកសង្គមពីគ្នាទៅវិញទៅមក ។

កន្លងមក ស្ថានឯកអគ្គរាជទូត ប្តេជ្ញាជំរុញគម្រោងដែលពង្រឹងដល់កិច្ចសហប្រតិបត្តិការផ្នែកជំនាញសិក្សានិងផ្លាស់ប្តូរវិជ្ជាជីវៈរវាងគ្រឹះស្ថានសិក្សាទាំងពីរប្រទេសជាបន្តបន្ទាប់ ដោយសារតែគម្រោងបែបផែននេះជាចំណែកដ៏សំខាន់ក្នុងការអភិវឌ្ឍន៍ធនធានមនុស្សរបស់ទាំងពីរប្រទេស ។