- - - - - - - - - -

កាលពីថ្ងៃទី 30 ខែ មិនា ឆ្នាំ 2025 ស្ថានឯកអគ្គរាជទូតថៃ ប្រចាំព្រះរាជាណាចក្រកម្ពុជា បានរៀបចំពិធីសូត្រមន្តចម្រើនព្រះបរិត្តនិងពិធីធ្វើបុណ្យដាក់បាត្រ ស្រង់ព្រះ ក្នុងឱកាសពិធីបុណ្យចូលឆ្នាំប្រពៃណីជាតិប្រចាំឆ្នាំ 2025 ដោយមានវត្តមានសម្តេចព្រះមង្គលមុនីរង្សី ហ៊ូ ឈីវនាថ សម្តេចព្រះប្រធានលេខាធិការដ្ឋានគណៈសង្ឃនាយក គណៈមហានិកាយនៃព្រះរាជាណាចក្រកម្ពុជាជាតំណាងដ៏ខ្ពង់ខ្ពស់របស់សម្តេចព្រះអគ្គមហាសង្ឃរាជាធិបតី នន្ទ ង៉ែត សម្តេចព្រះមហាសង្ឃរាជ នៃព្រះរាជាណាចក្រកម្ពុជា និមន្តជាព្រះប្រធាននៃគណៈសង្ឃ និងមានឯកឧត្តម ទុល្យ ត្រៃសូរ៉ាត់ ឯកអគ្គរាជទូតថៃ ប្រចាំព្រះរាជាណាចក្រកម្ពុជា ឯកឧត្តម នាក់ សំបូរ រដ្ឋលេខាធិការក្រសួងធម្មការនិងសាសនាកម្ពុជាជាអធិបតីរួម និងមានសាសនិកថៃនៅក្នុងប្រទេសកម្ពុជា ព្រមទាំងសាស្រ្តាចារ្យនិងនិស្សិតនៃសកលវិទ្យាល័យភូមិន្ទភ្នំពេញចូលរួមជាង 150 នាក់ ក្រៅពីនេះក៏មានការទទួលទានអាហារថ្ងៃត្រង់រួមគ្នាក្រោយពីចប់កម្មវិធីផងដែរ ។