ស្ថានទូតថៃប្រចាំកម្ពុជា ចាប់ដៃជាមួយគ្រឹះស្ថានអប់រំថៃ និងវិស័យឯកជនថៃនៅកម្ពុជារួមគ្នាពង្រឹងធនធានមនុស្ស សិស្សនិស្សិត STEM របស់ថៃដើម្បីបំពេញតម្រូវការលោកនៃអនាគត និងពង្រឹងកិច្ចសហប្រតិបត្តិការរវាងប្រជាជននៃប្រទេសទាំងពីរ

 

ថ្ងៃទី ៤ ខែកញ្ញា ឆ្នាំ ២០២៤ ឯកឧត្តមឈើតគៀត អត្ថាករ ឯកអគ្គរាជទូតថៃប្រចាំកម្ពុជាបានទទួលស្វាគមន៍គណៈប្រតិភូសាស្ត្រាចារ្យមកពីសកលវិទ្យាល័យបច្ចេកវិទ្យាព្រះចមក្លៅធនបុរី ក្នុងឱកាសដែលគណៈប្រតិភូធ្វើទស្សនកិច្ចនៅកម្ពុជាដើម្បីស្វែករកកិច្ចសហប្រតិបត្តិការក្នុងវិស័យអប់រំ និងអភិវឌ្ឍធនធានមនុស្សសម្រាប់អនាគតរវាងថៃ និងកម្ពុជា។

 

ក្នុងឱកាសនេះ ស្ថានទូតថៃប្រចាំកម្ពុជាបានរៀបចំឲ្យគណៈប្រតិភូនៃសកលវិទ្យាល័យបច្ចេកវិទ្យាព្រះចមក្លៅធនបុរីបានជួបពិភាក្សាជាមួយវិស័យឯកជនថៃនៅកម្ពុជា ដើម្បីស្វែងរកកិច្ចសហប្រតិបត្តិការ និងឱកាសនៅក្នុងការបញ្ជូននិស្សិតថៃកម្រិតបរិញ្ញាបត្រដែលមានគុណភាពមកពី ៥ មហាវិទ្យាល័យ ដែលមានដូចជាមហាវិទ្យាល័យវិស្វកម្ម មហាវិទ្យាល័យវិទ្យាសាស្ត្រ មហាវិទ្យាល័យគរុសាស្ត្រឧស្សាហកម្ម និងបច្ចេកវិទ្យា មហាវិទ្យាល័យព័ត៌មានវិទ្យា វិទ្យាស្ថានស្រាវជ្រាវមនុស្សយន្តផ្នែកប្រតិបត្តិការ បានចុះធ្វើកម្មសិក្សាហាត់ការជាមួយក្រុមហ៊ុនឯកជនថៃនៅកម្ពុជាដែលមានសក្តានុភាព ដោយរំពឹងថានឹងអាចរួមកំលាំងគ្នារវាងវិស័យសាធារណៈ វិស័យអប់រំ និងវិស័យឯកជនថៃ ពង្រឹងធនធានមនុស្ស STEM របស់ថៃឲ្យមានគុណភាពដើម្បីឆ្លើយតបនឹងតម្រូវការលោកនៃអនាគត៕